Ragnheiður Jónsdóttir | febrúar. 24. 2014 | 17:00

Afmæliskylfingur dagsins: Zach Johnson —- 24. febrúar 2014

Afmæliskylfingur dagsins er Zach Johnson. Hann er fæddur 24. febrúar 1976 og því 38 ára í dag. Zach Johnson er e.t.v. frægastur fyrir að hafa sigrað á the Masters 2007, en að öðru leyti á hann 11 sigra í beltinu á PGA Tour, þ.á.m. sigraði hann á fyrsta PGA Tour móti ársins 2014: Tournament of Champions, í Hawaii. Að öðru leyti var Zach nýlega í fréttum vegna þess að hann landaði risasamningi við landbúnaðarvélaframleiðandann John Deere, sjá með því að SMELLA HÉR:  Zach er kvæntur Kim Barclay og á með henni synina Wyatt og Will.

Aðrir frægir kylfingar sem eiga afmæli í dag eru: Jim Ferrier, 24. febrúar 1915- 13. júní 1986; og  Victoria Tanco, 24. febrúar 1994 (20 ára – argentínsk).

Golf 1 óskar öllum  kylfingum sem afmæli eiga í dag innilega til hamingju með afmælið!

Ef þið viljið koma að afmælisgrein eða láta afmæliskylfings getið í upptalningu kylfinga, sem eiga afmæli hafið samband við golf1@golf1.is