Angel Cabrera handtekinn af Interpol í Brasilíu

Fyrrum sigurvegari Masters og Opna bandaríska, Angel Cabrera, frá Argentínu, var handtekinn af brasilísku alríkislögreglunni og mun verða framseldur til Argentínu fyrir meinta glæpi allt aftur til ársins 2016, segir í frétt Associated Press.

Hinn 51 árs Cabrera var á rauða kóða lista Interpol.

Æðsti dómstóll Brasilíu heimilaði handtökuna.

Cabrera er ákærður fyrir líkamsárás, þjófnað, hótanir og ítrekaða vanvirðingu við yfirvöld.

Fjölmiðlar í Argentínu greindu frá því nú í þessum mánuði að Silvia Rivadero, fyrrverandi eiginkona Cabrera hafi lagt fram efni tveggja ákæra á hendur honum og önnur sambýliskona hans Cecilia Torres hafi fullyrt að hún hafi verið barin og Cabrera hafi hótað, að keyra yfir sig.

Cabrera sigraði í Masters eftir bráðabana 2009 en tapaði í öðrum bráðabana á Masters fyrir Adam Scott, árið 2013.

Cabrera  hefir einnig sigrað á Opna bandaríska meistaramótinu; átti þá 1 högg á þá Tiger Woods og Jim Furyk, á Oakmont árið 2007.

Eins á Cabrera í beltinu einn sigur á PGA mótaröðinni og 4 sigra á Evrópumótaröðinni þ.á.m. hefir hann sigraði á BMW PGA meistaramótinu í Wentworth.

Cabrera gat ekki spilað í Masters í fyrra, þar sem hann var að jafna sig eftir úlnliðsaðgerð.

Síðast komst Cabrera í gegnum niðurskurð á Masters árið 2016, en það ár varð hann T-24.