Asíska mótaröðin: Rickie Fowler sigraði í Kóreu

Rickie Fowler náði fyrsta sigri sínum á atvinnumannsferlinum eftir sigur á Korea Open í dag, (sunnudaginn, 9. október 2011.)

Bandaríkjamaðurinn, 22 ára, (Rickie) sem leiddi með 4 höggum fyrir lokahringinn, lauk keppni með -3 undir pari, þ.e. á 68 höggum og sigraði US Open risamótssigurvegarann Rory McIlroy með 6 höggum.

Norður-Írinn (Rory) lauk keppni með hring upp á 64 högg og nældi sér í 2. sætið á -13 undir pari og Kim Meen-whee frá Suður-Kóreu varð í 3. sæti á -10 undir pari.

Eftir sigurinn á Woo Jeong Hills sagði Rickie Fowler, sem spilaði fyrri hringina á 67 70 63: „Þetta var mjög skemmtilegt. Ég spilaði snemma vel á lokahringnum og var í þægilegri stöðu á síðustu holunum.  Allt í allt skemmti ég mér alla vikuna.“

„Það er frábær tilfinning að hafa landað fyrsta sigrinum. Ég spilaði vel alla vikuna, jafnvel þó ég yrði að hanga inni á föstudag og skila góðu skori. En fimmtudag, laugardag og sunnudag hafði ég góða stjórn á boltanum, var að dræva vel og setti niður nokkur pútt.“

Heimild: Sky Sports