Bandaríska háskólagolfið: Dagbjartur gengur til liðs við MIZZOU

Dagbjartur Sigurbrandsson, GR, hefir gert samning við golflið Missouri háskóla (MIZZOU), um spil fyrir liðið n.k. ár í bandaríska háskólagolfinu.

Lið Missouri er í 1. deild og tilheyrir South East Conference (skammst. SEC).

Fyrir í lið Missouri er klúbbfélagi Dagbjarts, Viktor Ingi Einarsson.

Dagbjartur er einn af bestu kylfingum Íslands í sínum aldursflokki og því akkur fyrir Missouri háskóla að fá hann í sínar raðir.

Golf 1 mun að sjálfsögðu færa fréttir af þeim Dagbjarti og Viktor og bandaríska háskólagolfið í heild sinni, um leið og það hefst að nýju eftir Covid.