Bandaríska háskólagolfið: Theodór Emil stóð sig best af Íslendingunum á ULM Wallace Jones mótinu

Þeir Andri Þór Björnsson, GR og golflið Nicholls State; Ari Magnússon, GKG og Theodór Emil Karlsson, GKJ og golflið Arkansas Monticello, tóku allir þátt í  ULM Wallace Jones Inv., en mótið fór fram í Southern Pines golfklúbbnum í Calhoun, Louisiana og lauk fyrr í kvöld.

Þátttakendur voru 72 frá 14 háskólum. Mótið stóð dagana 31. mars – 1. apríl 2014.

Theodór Emil stóð sig best Íslendinganna; lék á samtals 20 yfir pari, 236 höggum (85 74 77) og varð í 43. sæti í einstaklingskeppninni; Andri Þór lék á samtals 23 yfir pari og Ari á 27 yfir pari.

Lið Andra Þórs varð í 6. sæti og taldi skor hans ekki en lið Ara og Theodórs Emils varð í 12. sæti og var Theodór á 2. besta skori liðsins, en skor Ara taldi ekki.

Næsta mót Andra Þórs og Nicholls State er ASU Red Wolves Intercollegiate, sem hefst 7. apríl n.k. og næsta mót þeirra Ara og Thedórs Emils, og Arkansas Monticello er í Hot Springs, Arkansas 12. apríl n.k.

Til þess að sjá lokastöðuna á ULM Wallace Jones mótinu SMELLIÐ HÉR: