Eigið öll góðan 2019 Valentínusardag!

Í dag er 14. febrúar – dagur elskenda.

En af hverju er yfirleitt verið að halda upp á Valentínusardaginn? Upprunann er að finna í kaþólskum sið en Gelasius páfi tók nokkra Valentínusa (Valentínus af Temi, sem lést píslavættisdauða 197 og Valentínus af Róm sem lést píslavættisdauða 269) í píslavættistölu 496 – menn sem gáfu líf sitt vegna ástar á frelsi og í andstöðu við kúgun.

Upprunalegu Valentínusarnir höfðu því litla tengingu við rómantíska ást – ást þeirra er annars eðlis, ást á mannkyninu eða lífinu almennt, sem þeir voru tilbúnir að gefa sitt eigið fyrir.

Fyrsta rómantíska tenging Valentínusar dagsins við ást er í ljóðinu „Parlement of Foules“ eftir ljóðskáldið Geoffrey Chaucer, 1382. Í ljóði Chaucer segir þannig:

„For this was on seynt Volantynys day
Whan euery bryd comyth there to chese his make.“

[„For this was Saint Valentine’s Day, when every bird cometh there to choose his mate.“] Ljóðið er uppruni enska orðsins „Lovebirds.“

Ljóðið var ritað í tilefni af trúlofun Ríkharðs II konungs af Englandi og Önnu af Bæheimi – hjúskaparsamningur þeirra var undirritaður 2. maí 1381 og þau voru gift aðeins 15 ára gömul.

Á miðöldum var “ástardómstóllinn” stofnaður í París, 14. febrúar 1400. Hann fékkst við samninga er snertu ást, svik og ofbeldi gegn konum. Dómarar voru valdir af konum á grundvelli ljóða. Eitt elsta varðveitta ljóðið er eftir Charles, Hertoga af Orleans, sem hann ritaði til eiginkonu sinnar og hefst á orðunum:

Je suis desja d’amour tanné
Ma tres doulce Valentinée…
—Charles d’Orléans, Rondeau VI, lines 1–2

Gleðilegan Valentínusardag!

Það er síðari tíma siður að gefa gjafir á Valentínusardaginn til að tjá ást sína; líkt og upprunalegu Valentínusarnir, sem gáfu allt – lífið sjálft.

Valentínusargjafir þurfa ekkert að vera merkilegar eða stórar – í því eins og öðru er það hugurinn og hugulsemin sem skiptir máli.

Poki með bleikum tíum getur verið allt eins vinsæll og rómantísk kastalagolfferð til Frakklands. Þeir sem hafa engan til að elska geta alltaf gefið sjálfum sér gjöf t.d. splæst nýrri kylfu á sjálfan sig!

Eigið öll góðan Valentínusardag!

Heimild: Wikipedia