Eimskipsmótaröðin (4): Íslandsmótið í holukeppni hefst næstu helgi – Rástímar og riðlar

Um helgina fer fram Securitasmótið Íslandsmótið í holukeppni á Hvaleyrarvelli í Hafnafirði.  Það er Golfklúbburinn Keilir sem hefur veg og vanda að framkvæmd mótsins að þessu sinni. Búið er að raða niður í riðla og rástíma en þá er að finna með því að  SMELLA HÉR: 

Mótið hefst á föstudagsmorgun með riðlakeppni, átta 4 manna riðlar eru í karla og kvennaflokkum. Riðlakeppninni lýkur um hádegi á laugardag, efsti kylfingurinn í hverjum riðli kemst áfram í 8 manna úrslit sem leikin verða eftir hádegi á laugardaginn. Á sunnudagsmorgun verða undanúrslitaleikirnir leiknir og úrslitaleikirnir verða svo leiknir eftir hádegi.

Hægt verður að fylgjast með gangi mála á Twitter Golfsambandsins og á forsíðu golf.is auk þess sem hægt er að sjá úrslit einstakra leikna með því að  SMELLA HÉR:. Kylfingar eru hvattir til að koma á völlinn til að fylgjast með bestu kylfingum landsins.