European Young Masters: Perla Sól T-2 e. 2. dag -Glæsileg!!!

Fjórir keppendur frá Íslandi taka þátt á European Young Masters sem fram fer á Linna golfvellinum í Finnlandi, dagana 21. – 23. júlí 2022. Mótið er fyrir kylfinga sem eru 16 ára og yngri.

Keppendur Íslands eru Skúli Gunnar Ágústsson, GA – Veigar Heiðarsson, GA – Perla Sól Sigurbrandsdóttir, GR og Helga Signý Pálsdóttir, GR. Skúli er með 1 í forgjöf, Veigar 1,1, Helga Signý 1,7 en Perla Sól er með lægstu forgjöfina af íslensku keppendunum eða -3,5.

Keppt er í einstaklings – og liðakeppni. Leiknir eru þrír keppnishringir á þremur keppnisdögum í þar sem að keppt er í höggleik. Í liðakeppninni telja þrjú bestu skorin hjá hverju liði á hverjum hring.

Mótið er gríðarlega sterkt og eru yfir 70 keppendur með 0 eða lægri forgjöf. Lægsta forgjöfin er -5 og 30 keppendur eru með -3 eða lægra í forgjöf á þessu móti.

Alls eru 117 keppendur á þessu móti og koma þeir frá 31 þjóðum.

Eftir 2. dag er staðan eftirfarandi meðal íslensku keppendanna:

Perla Sól er T-2 en hún kefir samtals spilað á sléttu pari, 144 höggum (72 72).

Helga Signý er T-45, en hún hefir spilað samtals á 21 yfir pari.

Veigar er hefir spilað á 11 yfir pari og er T-36.

Skúli Gunnar hefir spilaö á 19 yfir pari og er í 52. sæti.

Í liðakeppninni er Ísland í 17. sæti af 29 þjóðum.