Evróputúrinn: Peter Hanson sigraði á KLM Open

Svíinn Peter Hanson sigraði á KLM Open. Hann spilaði á samtals 14 undir pari, 266 höggum (66 66 67 67). Þetta er 5. sigur Hansons á Evróputúrnum.

Hanson átti 2 högg á Skotann Richie Ramsay og Spánverjann Pablo Larrazábal og hirti sigurtékkann upp á € 300.000,-  Í 4. sæti varð Skotinn Scott Jamieson, á 11 undir pari,  269 höggum.

Það besta í huga Hansons er þó að strákurinn hans litli, Tim, sem fékk RS vírus og varð að fara á sjúkrahús og olli pabba sínum miklum áhyggjum er á góðum batavegi.

„Hann hefir komist yfir þetta og líður betur og betur sem er það mikilvægasta af öllu,“ sagði Hanson aðspurður um líðan sonarins, eftir að hann hafði innsiglað sigurinn á KLM Open.

„Þegar hann varð að fara á spítala á föstudaginn var ég örvæntingafullur. Hann var ekki í lagi í 12-14 tíma og sem foreldri verður maður mjög viðkvæmur.

 „Ég vildi bara fara heim og líta eftir fjölskyldunni, en konan mín sannfærði mig um að ég yrði að vera áfram (í mótinu). Þau voru í góðum höndum; það var ekkert sem ég gat gert og hún var að segja mér þetta, en þegar börnin manns veikjast hugsar maður bara ekki rökrétt.“

Til þess að sjá úrslitin á KLM Open SMELLIÐ HÉR: