Fegurðardrottning meðal keppenda á Ladies Indonesia Open – Kongkapan Patcharatchuta sigraði

Í gær lauk í Jakarta Ladies Indonesia Open, en það mót var það 9. á Ladies Asian Golf Tour og það kvennagolfmót með mesta verðlaunaféð í Suðaustur-Asíu, eða $ 30.000.

Mótið hófst á fimmtudaginn og eftir 1. dag var indverski atvinnukylfingurinn Smriti Mehra í forystu s.s. Golf 1 greindi frá SJÁ HÉR:  Eftir 2. dag mótsins leiddi áhugamaður frá Malasíu, Kelly Tan og í mótinu sigraði síðan kylfingur frá Thaílandi í gær: Kongkapan Patcharatchuta; var á samtals 7 undir pari, 209 höggum (71 70 68).

Kongkapan Patcharatchuta frá Thaílandi – sigurvegari Ladies Indonesia Open 2012

Til þess að sjá úrslitin á Ladies Indonesia Open SMELLIÐ HÉR: 

Meðal þekktra stjarna Asíu, sem þátt tók í mótinu, var sigurvegarinn í Ungfrú Indónesiu, 2012, indónesíska fegurðardrottningin, Inez Putri  Chandra Tjiptadi.

Ungfrú Indónesía 2012, Inez Putri Tjiptadi er líka fremsti áhugamaður Indónesíu í golfi

Hún lagði til hliðar kórónu og drottningarkjól sinn og tók sér kylfur og kúlur í hönd.  Henni gekk ekki eftir óskum í Ladies Indonesia Open, en hún hafnaði í 66. sæti af 82 keppendum ( 79 76 81), sem er bara býsna gott af áhugamanni, en keppendur voru flestar atvinnumenn.

Inez Putri, þessi 23 ára fegurðardrottning Indónesíu er einnig leiðandi áhugamaður í golfi í heimalandi sínu en hún hefir m.a. sigrað á Singapore Amateur Championship 2010 og vann bæði gull og silfur medalíu í Meistaramóti Indónesiu 2004 í högg/holukeppni.