Frægir kylfingar: Jean Harlow

Það er sagt að þeir deyi ungir sem Guð elskar, sem sannast á ótímabærum dauða söngkonunnar dáðu Whitney Houston í nótt.  Hún lifði þó lengri ævi en margur hver og voru henni skammtaðir næstum helmingi lengri lífdagar en leikkonunni frægu sem jafnframt var forfallinn kylfingur og margir af yngri kynslóðinni muna ekkert eftir… Jean Harlow.

Jean Harlow með golfsettið sitt.

Jean Harlow var kynbomba 4. áratugar síðustu aldar. Hún er upprunalega blondínan og var uppnefnd blondínubomban af löndum sínum (ens.: The blonde bombshell). Hún er fyrirmynd allra sem á eftir komu þ.á.m. Marilyn Monroe, sem líka spilaði golf.

Jean fæddist 3. mars 1911 í Kansas City Missouri og dó í LA í Kaliforníu aðeins 26 ára að aldri, 7. júní 1937. Segja má að Jean hafi á stuttri ævi afrekað meira en margur jafnaldri hennar. Þegar hún dó úr nýrnabilun, var hún búin að leika í á 4. tug kvikmynda (ein sú vinsælasta var Riffraff) og hafði nýskilið við 3. eiginmann sinn. Bandaríska kvikmyndaakademían telur hana í hópi bestu leikkvenna sem uppi hafa verið.

Jean Harlow og kennarinn hennar Leo Diegel.

Jean LIFÐI lífinu og hluti þess var ávallt golf. Hún spilaði mjög reglulega í golfklúbbi Hollýwoodleikaranna Lakeside  og var í golftímum hjá tvöföldum sigurvegara á PGA, Leo Diegel.  Við tökur á Riffraff kvartaði Jean undan bakverkjum og læknir upptökustúdíósins sagði að það væri vöðvaálag vegna of mikils golfspils.. sem var ekki rétt greining því þetta voru bara einkenni af því sem átti eftir að draga hana til dauða ári síðar, nýrnabilun.

Til þess að sjá myndskeið af teighöggi Jean Harlow, smellið HÉR: