GK: Fyrirtækjakeppni Keilis verður haldin laugardaginn 8. september

Eitt glæsilegasta golfmót ársins, Fyrirtækjakeppni Keilis verður haldið 8. september nk. Þó farið sé að líða að hausti er golfvöllur Keilis í frábæru standi, hefur sjaldan eða aldrei verið betri.

Firmakeppni Keilis

Boðið er upp á skemmtilegt keppnisfyrirkomulag þar sem leikinn er betri bolti.

Fyrirtækjakeppnin hefur verið ein aðalfjáröflun Keilis ár hvert, og er tilvalinn vettvangur fyrir atvinnurekendur að bjóða starfsmönnum sínum að spila golf fyrir hönd fyrirtækis síns og eiga möguleika á að vinna til glæsilegra verðlauna.

Þátttökugjald í ár er 30,000 krónur og er innifalinn grillveisla ásamt bjór, gosi eða léttvínsglasi.

Firmakeppnin er punktakeppni með forgjöf þar sem hámarks gefin forgjöf er 18.

Golfklúbburinn Keilir getur útvegað leikmenn fyrir fyrirtæki – hafið samband í síma 565-3360.

Skráning fer fram á golf.is eða á póstfanginu budin@keilir.is