GM Íslandsmeistarar á Íslandsmóti golfklúbba í fl. 18 ára og yngri pilta

Íslandsmót golfklúbba hjá 18 ára og yngri piltum, fór fram á Þorlákshafnarvelli 27.-29. júní 2019.

Íslandsmeistarar í flokki 18 ára og yngri pilta á Íslandsmóti golfklúbba varð lið Golfklúbbs Mosfellsbæjar (GM), sem var skipað eftirfarandi leikmönnum:

Andri Már Guðmundsson

Aron Ingi Hákonarson

Ingi Þór Ólafsson

Kristófer Karl Karlsson

Fyrsta keppnisdag var spilaður höggleikur og eftir það raðað í riðla. Tveir úr A-sveit GM vöktu þá þegar athygli; Kristófer Karl Karlsson sem lék á 2. besta skorinu 67 stórglæsilegum höggum og Ingi Þór Ólafsson sem varð T-3 í höggleikshlutanum á 68 glæsihöggum. Á besta skorinu var Aron Emil Gunnarsson GOS á ótrúlega flottum 66 höggum!!!

Úrslitaviðureignin í holukeppnishlutanum var milli A-sveitar GM og GR Korpu.

Í fjórmenningnum sigraði lið A-sveitar GM skipað þeim Andra Má Guðmundssyni og Aron Inga Hákonarsyni liðstvennd GR-ingana Böðvar Braga Pálsson og Tómas Eiríksson naumlega og fóru leikar á 19. holu.

Í tvímenningshlutanum fóru leikar á eftirfarandi máta:

Kristófer Karl Karlsson, GM, sigraði í viðureign sinni við Sigurð Blumenstein, GR og enn fóru leikar á 19. holu og sigurinn naumur.

Ingi Þór Ólafsson GM tapaði viðureign sinni fyrir Dagbjarti Sigurbrandssyni, GR 5&4.

Lokastaðan í flokki 18 ára og yngri pilta var eftirfarandi:

1 Golfklúbbur Mosfellsbæjar (A)
2 Golfklúbbur Reykjavíkur Korpa
3 Golfklúbbur Kópavogs og Garðabæjar (A)
4 Golfklúbbur Akureyrar
5 Golfklúbburinn Keilir
6 Nesklúbburin
7 Golfklúbbur Reykjavíkur Grafarholt
8 Golfklúbbur Suðurnesja
9 Golfklúbbur Kópavogs og Garðabæjar (B)
10 Golfklúbbur Selfoss
11 Golfklúbbur Mosfellsbæjar (B)
12 Golfklúbbur Vestmannaeyja
13 Golfklúbburinn Leynir

Golf1 óskar Íslandsmeisturum GM innilega til hamingju!!!

Í aðalmyndaglugga: Íslandsmeistarar GM á Íslandsmóti golfklúbba í fl. 18 ára og yngri pilta