GS: Guðfinna gerð að heiðursfélaga

Aðalfundur Golfklúbbs Suðurnesja (GS) fór fram 3. desember sl. Við það tækifæri var Guðfinna Sigurþórsdóttir, einn af stofnendum klúbbsins  gerð að heiðursfélaga. Guðfinna hefur verið félagi í Golfklúbbi Suðurnesja óslitið frá stofnun hans og verið virk í starfi klúbbsins. Hún er fyrsti Íslandsmeistarinn í kvennaflokki og barðist fyrir því á árum áður að konur fengju sama rétt til keppnis og karlar en þegar hún var að stíga sín fyrstu skref var ekkert kvennastarf í golfklúbbum landsins eins og við þekkjum í dag. Guðfinna á svo sannarlega skilið heiðursfélaganafnbótina.  Þess mætti geta að Guðfinna er móðir stórkylfingsins og golfkennarans Karenar Sævarsdóttur. 

Golf1 óskar Guðfinnu innilega til hamingju með heiðursnafnbótina!