GS: Sigurður Stefánsson fékk ás á Stigamóti 3 – Klúbbmeistarinn með nýtt vallarmet í Leirunni!

Stigamót 3 hjá GS fór fram í gær, 20. ágúst og tóku yfir 70 félagsmenn þátt að þessu sinni og voru margir að skila inn góðum hringjum.

Ingi Rafn William Davíðsson vann punktakeppnina á 42 punktum en Ingi verður 14 ára eftir 2 vikur.

Sveinn Andri Sigurpálsson gerði sér lítið og lék hringinn 7 höggum undir pari eða á 64 höggum sem er nýtt vallarmet af gulum teigum á Hólmsvelli.

Sigurður Stefánsson fór svo holu í höggi á 9.braut. Innilega til hamingju með ásinn!!!

Sigurdur Stefánsson, sem fór holu í höggi á Stigamóti 3 hjá GS 20. ágúst 2024 kampakátur.

Annars urðu helstu úrslit eftirfarandi:

Punktakeppni með forgjöf:
1. sæti: Ingi Rafn Davíðsson, – 42 punktar
2. sæti: Brynjar Steinn Jónsson – 40 punktar
3. sæti: Jón Jóhannsson – 39 punktar

Höggleikur án forgjafar:
1. sæti: Sveinn Andri Sigurpálsson – 64 högg
2. sæti: Logi Sigurðsson – 66 högg
3. sæti: Jón Jóhannsson – 71 högg

Nándarverðlaun:
9. braut: Sigurður Stefánsson 0 cm – hola í höggi

Stigamót 4 er á dagskrá nk. þriðjudag 27.ágúst og er nú þegar opið fyrir skráningu.

Í aðalmyndaglugga: Sveinn Andri Sigurpálssson, klúbbmeistari GS 2024, sem setti nýtt vallarmet í Leirunni 20. ágúst 2024 – 64 glæsihögg!!!

Í aðalmyndaglugga á facebook og hér inni í frétt: Sigurður Stefánsson, sem fékk ás – Golf 1 óskar honum aftur hjartanlega til hamingju með draumahöggið!!!