GSÍ mótaröðin 2024: Í Hvaleyrarbikarnum ræðst hver verða stigameistarar

Hvaleyrarbikarinn 2024 fer fram um næstu helgi hjá Golfklúbbnum Keili og er mótið lokamótið á GSÍ mótaröðinni á þessu tímabili. Hvaleyrarbikarinn hefst föstudaginn 9. ágúst og lokakeppnisdagurinn er sunnudagurinn 11. ágúst. Leiknar verða 54 holur á þremur keppnisdögum.

Fyrst var keppt um stigameistaratitla í kvenna – og karlaflokki á Íslandi árið 1989.

Ragnhildur Sigurðardóttir er með flesta stigameistaratitla í kvennaflokki eða alls 9. Í karlaflokki eru Keilismennirnir Axel Bósson og Björgvin Sigurbergsson með flesta titla, en þeir hafa fagnað þessum titli fjórum sinnum hvor um sig.

Staðan á GSÍ stigamótaröðinni 2024 í karlaflokki:

Alls eru 104 leikmenn með stig í karlaflokki á þessu tímabili á GSÍ mótaröðinni. Íslandsmeistarinn í golfi 2024, Aron Snær Júlíusson, GKG, er efstur með 2.196 stig. Aron Snær varð stigameistari í fyrsta sinn á ferlinum árið 2021. Aron Emil Gunnarsson, GOS, er í öðru sæti með 1.578 stig. Logi Sigurðsson, Íslandsmeistari í holukeppni 2023, er í þriðja sæti með 1.507 stig. Logi varð stigameistari árið 2023.

Staðan á GSÍ stigamótaröðinni 2023 í kvennflokki:

Alls eru 55 leikmenn með stig í kvennaflokki á þessu tímabili á GSÍ mótaröðinni. Fjórar efstu á stigalistanum í kvennaflokki eru ekki á meðal keppenda á lokamótinu. Eva Kristinsdóttir, GM, Pamela Ósk Hjaltadóttir, GM, Fjóla Margrét Viðarsdóttir, GS og Elsa Maren Steinarsdótir, GK, eiga góða möguleika á að koma sér í efsta sætið með góðum árangri í Hvaleyrarbikarnum.

Stigameistarar í kvennaflokki frá upphafi:

Stigameistarar í karlaflokki frá upphafi: