Haraldur Júlíusson látinn

Haraldur Júlíusson félagsmaður í Golfklúbbi Akureyrar til margra ára lést 27. desember 2020.

Haraldur var mörgum GA félögum vel kunnugur.

Halli Júl eins og hann var gjarnan kallaður spilaði mikið golf og þaut um völlinn á skutlunni sinni á seinni árum og missti varla úr degi af golfi.

Haraldur fæddist þann 18. október 1951 og var búinn að vera félagsmaður í GA síðan 1986.

Halli keppti lengi fyrir öldungasveit GA og varð nokkrum sinnum Íslandsmeistari fyrir hönd klúbbsins og hlaut fyrir það afreksmerki GA. Halli Júl varð sex sinnum Arctic Open meistari í flokki 55 ára og eldri, nú síðast 2016.

Golf 1 sendir aðstandendum og vinum innilegar samúðarkveðjur.