Hver er kylfingurinn: Tina Miller?

Hver er kylfingurinn: Tina Miller?

Christina Mae “Tina” Miller fæddist 31. janúar 1983 í Miami í Flórida.  Tina hefir spilað golf frá 7 ára aldri.  Hún spilaði golf með strákaliði menntaskólans Archbishop Curley-Notre Dame High School í Míamí, þar sem hún var í 1. sæti á mörgum mótum hún keppti í.  Hún var í golfhóp sem kallaði sig “The Untouchables”, sem samanstóð af henni, skólafélaga hennar úr UM, Scott Tanner og Matt Pendleton, sem útskrifaðist úr University of Florída.

Eftir farsælan feril í unglingagolfinu fékk Tina fullan skólastyrk í University of Miami (UM) í Coral Gables, í Flórída. Hún fékk m.a. inngöngu í Iron Arrow Honor Society í UM. Tina útskrifaðist frá skólanum 2005, með BA gráðu í grafískri hönnun og markaðsmál sem undirgrein.

Eftir farsæl ár í unglingagolfinu, háskólagolfinu og sem áhugamaður gerðist Tina atvinnumaður í golfi 2005 á LPGA Wendy´s Championship for Children í Dublin, Ohio, þar sem hún spilaði í boði styrktaraðila. Hún hefir tvívegis komist í lokaúrtökumót LPGA Q-school og náði m.a. holu í höggi á 4. hring nú í desember s.l. Árin 2006 og 2007 spilaði Tina á Futures Tour.

Tina giftist fótboltamanninum Rhys Lloyd, sem spilar á NFL, í febrúar 2009. Tina er því ekki bara verðandi golfstjarna heldur tilheyrir hún líka þeim hópi, sem Bandaríkjamenn kalla WAG (Wives And Girlfriends). Hún hefir síðan þá tekið þátt í golfraunveruleikaþáttum Golf Channel, Big Break og er að hugsa um frama í módelstörfum.

Heimild: Wikipedia (að hluta)