Ragnheiður Jónsdóttir | ágúst. 24. 2021 | 06:45

Hver er kylfingurinn: Tony Finau? (1/2)

Tony Finau er fæddur 14. september 1989 í Salt Lake City, Utah og er því 31 árs. Hann sigraði í 2. móti sínu á PGA Tour í gær, 23. ágúst 2021 ,eftir að mótinu hafði verið frestað fram á mánudag vegna fellibyls. Þetta var fyrsti sigur Finnau á PGA Tour í 5 ár. Eins á Finau í beltinu einn sigur á Korn Ferry Tour.

En hver er kylfingurinn Tony Finau?

Jafnvel þó honum hafi verið boðinn skólastyrkur vegna körfuboltakunnáttu sinnar sneri hann sér alfarið að golfinu 17 ára og spilaði á fjölmörgum smámótaröðum fyrst þ.á.m. Gateway Tour, NGA Hooters Tour og National Pro Tour.

Hann spilaði á PGA Tour Kanada árið 2013 og náði að komast í gegnum niðurskurð 7 sinnum af 8 mótum, sem hann tók þátt í.

Hann varð T-3 þ.e. jafn öðrum í 3. sæti á lokaúrtökumóti Web.com Tour og vann sér þar með inn kortið sitt á þá mótaröð fyrir keppnistímabilið 2013-2014.

Finau vann fyrsta mótið sitt í ágúst 2014 þ.e. the Stonebrae Classic á Web.com Tour.

Finau og bróðir hans Gipper kepptu í golfraunveruleikaþætti Golf Channel The Big Break 2009, þ.e. í Big Break Disney Golf.

Finau er sonur Kalepi og Ravenu og frændi körfuboltakappans Jabari Parker, sem spilar með Milwaukee Bucks og and fyrrum NFL leikmannsins í bandaríska fótboltanum Haloti Ngata.

Finau kemur frá Tonga og bandarísku Samóa og er sá fyrsti frá þeim stöðum til þess að spila á PGA Tour.

Finau kom á óvart og gekk fremur vel 2014-2015 keppnistímabilið. Þannig varð hann t.a.m. T-7 þ.e. deildi 7. sætinu á OHL Classic at Mayakoba, sem fram fór 13.-16. nóvember 2014.

Í mars 2016 sigraði Finau í fyrra skiptið á PGA Tour þ.e. á Puerto Rico Open. Sigurinn kom eftir bráðabana við Steve Marino á 3. holu – en þar vann Finau með fugli.

Ýmsar upplýsingar um Finau:

Finau á 4 bræður og 2 systur.

Hann var center í körfuboltaliðinu og hjálpaði liðinu að komast í ríkisúrslitin sem næstefstibekkingur og efstibekkingur í menntaskóla. Hann var að meðaltali með 11 rebound í körfunni sem efstibekkingur. Hann ákvað samt að halda ekki áfram í körfunni heldur einbeita sér að golfinu.

Systir Finau, Kaylene, spilaði með blakliði College of Southern Idaho National Junior College í Athletic Association volleyball championship árið 2006.

Bróðir Tony, Gipper, er sá yngsti til þess að komast í gegnum niðurskurð á Web.com Tour móti, en hann var 16 ára og 20 daga, í Utah 2006 (og lauk keppni T58, þ.e. jafn öðrum í 58. sæti í mótinu).

Tony Finau var í West High, þ.e. sama menntaskóla og fimmfaldi PGA Tour sigurvegarinn George Von Elm, sem sigraði 1926 á US Amateur.

Ef Tony væri ekki atvinnumaður í golfi myndi hann vilja vera kokkur.

Uppáhaldsgolfvöllur Finau er The Olympic Club.

Uppáhaldslið Finau eru the Los Angeles Lakers, the Dallas Cowboys, the Utah Utes og the USC Trojans.

Uppáhaldskvikmynd Finau er „Gladiator.“

Uppáhaldsmatur Finau eru sushi og brúnkur (ens. brownies).

Uppáhaldsíþróttamaður Finau er Kobe Bryant.

Uppáhaldsfrístaður Finau er the North Shore í Hawaii.

Uppáhaldssjónvarpsþættir eru „The Voice“ og „Sing Off.“

Ef Finau ætti að skipta um hlutverk við einhvern í 1 dag myndi sonur hans verða fyrir valinu „til þess að sjá hvernig honum finnst ég vera.“

Draumahollið er hann sjálfur og ….. bróðir hans (Gipper) , Lee Trevino og Steve Stricker.

Atriði sem ekki margir vita um Finau er að hann var með magasár árið 2012.

Það sem Finau myndi langa til að gera í framtíðinni er…. að eiga Rolls Royce.

Góðgerðarsamtök sem Finau styrkir eru the Kruger Foundation.

Ef spila ætti lag fyrir Finau á 1. teig myndi það vera „Natural Mystic“ með Bob Marley.