Hvernig Elin og Chris Cline kynntust

Þegar Tiger fór að slá sig upp með skíðadrottningunni Lindsey Vonn, var golffjölmiðlum lengi búið að gruna að eitthvað væri í gangi milli þeirra, sem flestum fannst hljóta nokkurrar staðfestingar í því að einkaþota kappans var send frá Bandaríkjunum eftir Vonn eftir að hún datt á skíðum í Schladmig, Austurríki. Síðan var tilkynnt um sambandið á öllum helstu samskiptamiðlum með myndum og tilheyrandi.

Miklu minna fór fyrir fréttum af því að fyrrverandi eiginkona Tiger,  Elín Nordegren væri byrjuð  með billjónamæringnum Chris Cline og fráleitt að það væri auglýst eins og samband Tiger.  Svarið við hvernig Elín og Chris Cline kynntust er sáraeinfalt. Elín byggði sér $12 milljón dollara glæsihýsi beint við hliðina á Cline, í North Palm Beach, Flórída. Þau eru nágrannar.  Sjá má myndaröð af því hvernig umhorfs er hjá „nágranna“ Elínar, nú kærasta, í  Cline„höllinni“ með því að SMELLA HÉR: 

Glæsihýsi Chris Cline (vinstra megin á mynd) og Elínar Nordegren (hægra megin á mynd).

Rangt var greint frá því í gær að stjörnumerkislega ættu þau skötuhjú illa saman – það er ekki rétt. Chris er krabbi, fæddur 5. júlí 1958 og því 54 ára en ekki 58 eins og Golf 1 hafði rangt eftir slúðurfréttamiðli í gær og Elín er 33 ára (fædd 1. janúar 1980) og því steingeit, en það er ágætis samsetning.  Aldursmunurinn er 22 ár, en ekki 25 eins og mishermt var í gær á Golf 1.

Ekki að aldur skipti máli þegar ástin er annars vegar. Hins vegar er nokkuð eftirtektarvert að Elín sækir sér rúmum 20 árum eldri félaga (þ.e. gera má ráð fyrir að hún vilji meira öryggi, vernd, stöðugleika og ljúfmennsku en í fyrra sambandi sínu) og Tiger yngir upp um 5 ár, sem þarfnast engrar útskýringar.

Bæði eiga þau börn af fyrra hjónabandi, Elín 2: Charlie og Sam, með nr. 1 á heimslistanum og Chris á 4 börn, úr tveimur fyrri hjónaböndum sínum.

Loks er vert að geta þess að húsið flotta sem Cline býr í er með sandglompu og æfingapúttflöt … þannig að Elín virðist alltaf falla fyrir kylfingum …. í einni eða annarri mynd.