Íslandsmót golfklúbba 2022: GSS sigraði í 3. deild karla

Íslandsmót golfklúbba 2022 í 3. deild karla fór fram á Ísafirði dagana 12.-14. ágúst.

Alls voru 8 lið í þessari deild. Keppt var í tveimur riðlum og léku tvö efstu liðin úr hvorum riðli í undanúrslitum. Neðsta liðið féll í 4. deild.

Í hverri umferð var leikinn einn fjórmenningsleikur og tveir tvímenningsleikir.

Golfklúbbur Skagafjarðar, GSS, sigraði Golfklúbb Húsavíkur,GH, 2-1 í úrslitaleiknum og tryggði sér sæti í 2. deild að ári.

Golfklúbbur Hveragerðis, GHG, endaði í þriðja sæti eftir sigur gegn Golfklúbbi Borgarness, GB í leik um þriðja sætið.

Golfklúbbur Grindavíkur endaði í neðsta sæti eða því 8. og leikur í 4. deild á næsta ári.

Sjá má öll úrslit í 3. deild karla á Íslandsmóti golfklúbba 2022 með því að SMELLA HÉR: