Lindsey Vonn vinkona Tiger slasast við keppni á skíðum

Bandaríska skíðadrottningin Lindsey Vonn sem talin er eiga í sambandi við nr. 2 á heimslistanum í golfi, Tiger Woods, slasaðist illilega á hægri hné þegar hún féll í keppni í the World Alpine Skiing Championships í Schladming í Austurríki.

Flytja þurfti Vonn á spítala í þyrlu á nærliggjandi spítala og við skoðun kom í ljós að krossband var slitið. Hún verður frá keppni það sem eftir er árs og óvíst hvort hún snúi aftur til keppni, en hún er búin að gangast undir fjölda uppskurða, auk þess sem hún er búin að vinna flest sem hægt er innan skíðaíþróttarinnar.  Talið er að slæmt skyggni hafi átt þátt í slysinu.

„Það snjóaði mikið hér á sunnudaginn og síðan rigndi mestallan mánudaginn (gærdaginn)“ sagði Vonn í viðtali við Denver Post. „Ég veit að þeir munu reyna að knýja keppnina áfram á þriðjudaginn (þ.e. í dag).“

Fyrir keppnina neitaði Vonn að svara því hvort Tiger myndi horfa á hana. Skv. New York Post var svar Vonn: „Ó Guð minn! Ég veit ekki, þið ættuð að spyrja hann!“

Lindsey er fráskilin líkt og Tiger en hún skildi við eiginmann sinn, bandaríska skíðakappann Thomas Vonn, 2011.