Masters 2021: Hver vann par-3 keppnina í ár og hvaða áhugamaður var með lægsta skor?

Svörin við spurningunum í fyrirsögn eru eftirfarandi:

Á Masters nú í ár var ekki haldin nein par-3 keppni. Ástæðan sem mótshaldarar gáfu upp voru Covid-19 tengdar og þörfin fyrir að halda fjarlægð milli manna.

Það virðast einhverskonar álög að sá sem sigrar í par-3 keppninni hefir aldrei sigrað í risamótinu sjálfu.

Par-3 keppnin hefir alltaf verið afslöppuð og hafa stórkylfingarnir á undanförnum árum haft ýmsa fjölskyldumeðlimi sína með sér, sem kylfusveina.

Par-3 keppnin mun aftur verða haldin 2022.

________________________________

Hefð er fyrir því að veita þeim áhugamanni með lægsta skorið á Masters risamótinu verðlaun, þ.e.a.s þeim  áhugamanni, sem kemst í gegnum niðurskurð og er með lægsta skorið af áhugamönnunum, sem komast gegnum niðurskurð.

Áhugamennirnir á Masters 2021. F.v.: Tyler Stryfaci – Charles Osborne – Joe Long

Í ár voru fáir áhugamenn meðal keppenda vegna þess að mörg áhugamannamót fóru ekki fram vegna Covid-19, en. sigurvegarar allra helstu áhugamannamóta heims fá þátttökurétt á Masters. Venjulega eru a.m.k. 5 áhugamenn meðal keppenda en í ár voru þeir aðeins 3: Joe Long (sigurvegari British Am), Ty Strafaci (U.S. Am) og Charles Osborne (U.S. Am).

Engin þeirra náði niðurskurði og var silfurbikarinn ekki veittur áhugamanni í ár. Reyndar vermdu áhugamennirnir 3 neðstu sætin, sjá með því að SMELLA HÉR: 

En til að svara spurningunni í fyrirsögn þá var það Osborne sem var með besta skor áhugamannanna, lék á samtals 152 höggum (76 76) og var sá eini af áhugamönnunum sem ekki var á 80 eða yfir.

Í aðalmyndaglugga: Sigurvegari á Masters 2020, DJ og kylfusveinn hans í par-3 keppninni.