Masters risamótinu frestað!

Nú í morgun var tekin ákvörðun um að fresta Masters risamótinu vegna kóróna veirunnar.

Brian Wacker hjá Golf Digest var fyrstur með fréttina.

Framtíðardagsetning mótsins hefir enn ekki verið ákveðin og í raun óvíst hvort Masters fari fram í ár.

Í síðasta skipti sem Masters fór ekki fram var í seinni heimsstyrjöldinni.

Jafnframt mun mót áhugakvenkylfinga sem átti að fara fram á Masters í ár falla niður sem og hin árlega Dræv, Chip og Pútt keppni.

„Á endanum er það heilbrigði og vellíðan allra í tengslum við þennan atburð, sem og Augusta- samfélagsins sem olli því að við tókum þessa ákvörðun,“ sagði Fred Ridley, formaður Augusta National í fréttatilkynningu. „Við vonum að þessi frestun setji okkur í bestu stöðu til að láta Masters og áhugamannamótin fara fram síðar.“

Þessi ákvörðun kemur líklegast engum á óvart en nánast allar helstu golfmótaraðir heims hafa nú aflýst mótum og flestir íþróttaviðburðir í Bandaríkjunum hafa verið stöðvaðir ótímabundið.

„Ég er vonsvikinn“ sagði Justin Thomas í morgun við fréttamenn á TPC Sawrass. „Eins eigingjarnt og það er þá vil ég spila. […] en það verður að tala tillit til öryggis og heilsu allra sem taka þátt.“

Matthew Wolff, sem átti að fá að spila í 1. sinn á Masters risamótinu var fullur vantrúnaðar. „Mér líður eins og ég muni vakna af vondum draum og þetta sé allt eitt stórt grín. Þetta er eins og beint úr kvikmynd.“

Fjölmargir golfáhangendur, sem unnu miðana sína á viðburðinn í lotteríi eru einnig skúffaðir og óvíst hvernig fer með þá, fari Masters risamótið ekki fram í ár.

Ljóst er að frestunin snertir marga, ekki aðeins keppendur heldur einnig mótshaldara, birgja og áhorfendur heima

Sigurvegari sl. árs, Tiger Woods, er líklega sá eini sem er ánægður, þar sem hann hefir verið meiddur undanfarið og hefir hvort sem er ekki getað spilað.