Myndskeið: Michelle Wie í skemmtilegri japanskri auglýsingu

Þegar ég bjó í Þýskalandi fyrir margt löngu sem barn, skildi ég ekkert í því hvað Íslendingum sem komu í heimsókn þótti fyndið að sjá bandarískar kvikmyndastjörnur tala þýsku í þýsku sjónvarpi – en allt efni er þýtt yfir á móðurmálið í Þýskalandi. Ég man ekki eftir hversu oft ég hef séð Íslendinga afvelta af hlátri yfir að sjá John Wayne tala þýsku, Joan Collins, Lauru Ingalls í húsinu á sléttunni (sú sem lék hana heitir reyndar Melissa Gilbert) o.fl. o.fl.

Það er því skrítið að vera loksins í þeim sporum að finnast ótrúlega fyndin auglýsing þar sem bandaríski kylfingurinn Michelle Wie tjáir sig á japönsku um eitthvað tengt golfi og maður skilur ekki baun! Michelle Wie talar ekki japönsku – hún er bandarísk og foreldrar hennar frá eru Kóreu. Svo virðist sem hún sé að auglýsa einhvern orkudrykk, sem hefir þessi líka svaka áhrif á golfleik hennar. Kannski er þetta ekkert fyndið en best að skoða bara myndskeiðið af Michelle Wie með því að smella HÉR: