Nýju strákarnir á PGA 2018: Joel Dahmen (27/50)

Það voru 25 efstu á peningalista Web.com Tour sem hlutu kortin sín og þar með fullan spilarétt á PGA Tour, keppnistímabilið 2017-2018.

Golf 1 hefir haft þann vana á undanförnum árum að kynna alla þessa 50 nýju og ekki svo nýju, sem hins vegar hljóta spilarétt sinn að nýju á PGA Tour í gegnum 2. deildina, Web.com Tour.

Byrjað var á því að kynna þá 25 sem efstir voru á peningalista Web.com Tour og hlutu þannig kortin sín í 1. deild, PGA Tour.

Líkt og venja er hér á Golf 1 var byrjað að kynna þann, sem rétt slapp inn í gegnum peningalistann og síðan endað á þeim sem var á toppnum. Hann var kynntur í gær, Chesson Hadley, efsti maður á peningalista Web.com Tour 2017.

Nú verður tekið til við að kynna þann sem rétt slapp inn í gegnum Web.com Finals og endað á þeim sem var á toppnum þar, en þeir 25 hljóta einnig spilarétt og kort fyrir 2017-2018 keppnistímabilið á PGA Tour

Sá sem var næstneðstur eða í 24. sæti og rétt slapp inn á PGA Tour í gegnum Web.com Tour finals er Joel Dahmen frá Bandaríkjunum en hann var með verðlaunafé á Web.com Finals upp á samtals $41,942.

Joel Dahmen fæddist í Clarkston, Washington, 11. nóvember 1987 og er því 29 ára.  Í Washington varð hann tvívegis meistari meðan hann var í menntaskóla.

Dahmen spilaði golf í bandaríska háskólagolfinu með University of Washington. Hann gerðist atvinnumaður eftir útskrift 2010.

Frá árinu 2011 spilaði Dahmen á kanadísku MacKenzie mótaröðinni og á í beltinu tvo sigra á þeirri mótaröð frá árinu 2014, þ.e. á PC Financial Open og The Syncrude Boreal Open Presented by AECON.

Á árinu 2014 spilaði Dahmen líka í 3 mótum á PGA Tour Latinoamérica in late 2014 og varð í 2. sæti í tveimur mótanna.

Frá árinu 2015 hefir Dahmen spilað á Web.com Tour og er nú kominn á mótaröð þeirra bestu!

Ýmsir fróðleiksmolar um Dahmen:
* Dahmen var greindur með krabbamein í eistum í febrúar 2011, en náði sér að fullu og sneri aftur á Mackenzie Tour-PGA TOUR í Kanada seinna á tímabilinu.
*Dahmen var efstu á stigalista Mackenzie Tour-PGA TOUR Kanada og var valinn leikmaður ársins

*Dahmen ferðast aldrei án þess að taka nokkrar bækur með sér.
*Dahmen er hjátrúarfullur og notar aldrei 25 centa pening sem boltamerki.
*Uppáhaldslið Dahmen eru Seattle Seahawks og Seattle Mariners.
*Í draumaholli hans myndu auk hans vera móðir hans, faðir og Dennis Leffler.
*Ekki margir vita að hann „býr til góðan morgunverð.“
*Persónulegt markmið hans er „að skemmta sér mikið allan tímann.“
*Móðir Dahmen, Jolyn, spilaði körfubolta í menntaskóla.
*Bjó saman með PGA TOUR leikmanninum Nick Taylor í tvö ár eftir útskrift frá University of Washington meðan hann var enn í Seattle.