Nýju strákarnir á PGA 2018: Keith Mitchell (41/50)

Það voru 25 efstu á peningalista Web.com Tour sem hlutu kortin sín og þar með fullan spilarétt á PGA Tour, keppnistímabilið 2017-2018.

Golf 1 hefir haft þann vana á undanförnum árum að kynna alla þessa 50 nýju og ekki svo nýju, sem hins vegar hljóta spilarétt sinn að nýju á PGA Tour í gegnum 2. deildina, Web.com Tour.

Byrjað var á því að kynna þá 25 sem efstir voru á peningalista Web.com Tour og hlutu þannig kortin sín í 1. deild, PGA Tour.

Líkt og venja er hér á Golf 1 var byrjað að kynna þann, sem rétt slapp inn í gegnum peningalistann og síðan endað á þeim sem var á toppnum. Hann hefir þegar verið kynntur, Chesson Hadley, efsti maður á peningalista Web.com Tour 2017.

Nú verður tekið til við að kynna þann sem rétt slapp inn í gegnum Web.com Finals og endað á þeim sem var á toppnum þar, en þeir 25 hljóta einnig spilarétt og kort fyrir 2017-2018 keppnistímabilið á PGA Tour.

Sá sem var í 10. sæti og komst inn á PGA Tour í gegnum Web.com Tour finals er bandaríski kylfingurinn Keith Mitchell en hann var með verðlaunafé á Web.com Finals upp á samtals $66,050.

Keith Mitchell fæddist 7. janúar 1992 og er því 25 ára.

Hann býr á St. Simons Island, í Georgíu ríki í Bandaríkjunum. Golfklúbburinn sem hann tilheyrir í Georgíu er í Chattanooga og hefir yfir að ráða hinum gríðarfagra Honors Course.

Mitchell lék í bandaríska háskólagolfinu með liði University of Georgia þaðan sem hann útskrifaðist árið 2014 með gráðu í viðskiptafræði og fasteignaviðskiptum (ens.: Business and Real Estate).

Útskriftarárið (2014) gerðist Mitchell atvinnumaður í golfi.

Aðaláhugamál eru fiskveiðar.

Árið 2015 lék Mitchell á PGA TOUR Latinoamérica og frá árinu 2016 hefir hann verið á Web.com Tour. Á næsta ári, 2018, verður hann á mótaröð þeirra bestu bandaríska PGA Tour.

Ýmsir fróðleiksmolar um Mitchell:

*Hann var í The Baylor School í Chattanooga, Tennessee.
*Systir hans, Brindley, er í krikketliði The University of St. Andrews, í Skotlandi.
*Ef Mitchell væri ekki atvinnukylfingur myndi hann vilja vera sjávar arkítekt (ens.: maritime architect).
*Kylfu-coverið á 3-trénu hans er það sama og hann var með árið 2001 þegar hann var í UGA golfbúðum.
*Myndi gjarna vilja skipta um hlutverk við Todd Gurley (útskrifaðist frá Georgíu háskóla), sem er atvinnumaður í bandaríska fótboltanum.
*Meðal þess sem Mitchell myndi langa að gera er að sigra á sailfish móti og opna steikar veitingastað.
*Uppáhaldsíþróttamaður hans er Lio Messi.
*Meðal þess sem hann myndi langa til að gera er að kafa í Grikklandi.
*Uppáhalds sögn hans er: „Þú munt aldrei fljúga ef þú ert lofthræddur.“