Nýju strákarnir á PGA Tour 2019: Nicholas Lindheim (34/50)

Eins og á undanförnum árum mun Golf 1 kynna „Nýju strákana“ á PGA Tour keppnistímabilið 2018-2019 til sögunnar, en það eru sem fyrr efstu 25 á peningalista Web.com Tour eftir 2017-2018 keppnistímabilið og síðan þeir 25 sem stóðu sig best í síðustu 4 mótunum á mótaröðinni þ.e. í Web.com Finals.

Nú hafa verið kynntir þeir 25, sem urðu efstir á peningalista Web.com Tour eftir reglulega tímabilið og hlutu þannig kortin sín á mótaröð þeirra bestu, PGA Tour, síðast var kynntur sá sem varð í 1. sæti peningalistans, Sungjae Im frá Suður-Kóreu.

Nú er aðeins eftir að kynna þá 25, sem urðu efstir á Web.com Finals og hlutu þannig þáttökurétt á mótum PGA Tour. Fyrst var kynntur sá sem rétt slapp í hóp þeirra 25 efstu en það var Jim Knous, síðan Fabián Gómez frá Mexíkó, kanadíski kylfingurinn Ben Silverman, bandarísku kylfingarnir Michael Hayes Thompson, Wes Roach og Cameron Tringale, Dylan Frittelli frá S-Afríku og Sepp Straka frá Austurríki.

Sá sem varð í 17. sæti á Web.com Tour Finals og sá sem kynntur verður í dag er Nicholas Lindheim, sem ávann sér 59,169 dollara á Web.com Finals.

Nicholas Lindheim fæddist 9. nóvember 1984 í Mission Viejo, í Kaliforníu og er því 34 ára.

Hann er 1.83 m á hæð og 77 kg.  Hann hefir á atvinnumannsferli sínum frá árinu 2005 sigrað  í 10 mótum.

Í dag býr Lindheim á Satellite Beach í Flórída.

Lindheim gerðist eins og segir atvinnumaður í golfi 2005 og spilað fyrst á fjölmörgum minni mótaröðum í Bandaríkjunum þ.á.m. á  Florida Professional Golf Tour. Fyrsti sigur hann á þeirri mótaröð kom 2010 á Pelican Bay. Í framhaldinu sigraði hann í 5 öðrum mótum á mótaröðinni.

Árið 2014 komst Lindheim á Web.com Tour og spilaði einnig á  PGA Tour Latinoamérica. Meðan hann var á Web.com Tour, var hann með tvo topp-10 árangra. Ári 2014 spilaði Lindheim einnig í fyrsta risamóti sínu eftir að hafa spilað á 7 undir pari í úrtökumóti fyrir Opna bandaríska 2014. Lindheim náði niðurskurði og varð T-56, sem til dagsins í dag er besti árangur hans í risamóti. Lindheim sigraði síðan á Arturo Calle Colombian Classic á PGA Tour Latinoamérica. Hann varð í 51. sætinu eftir hefðbundið tímabil á Web.com 2015 og í 39. sæti á Finals listanum, sem var ekki nóg til þess að hljóta PGA Tour kortið.  Árið 2016 vann hann í fyrsta sinn á Web.com Tour á Utah Championship. Með þessum sigri komst hann meðal efstu 25 og hlaut kortið sitt á PGA Tour fyrir 2016-2017 keppnistímabilið. Hann átti nýliðaár vonbrigða og spilaði því aftur á Web.com Tour og í Finals með því að vera í 197. sæti FedEx Cup stigalistans. Hann náði aftur að komast á PGA Tour með þvþi að sigra á 2017 DAP Championship.

Lindheim er kvæntur Gracie Heim og þau eiga eina dóttur Shylu Emerson.