Nýju stúlkurnar á LET 2014: Sally Watson (30/31)

Það var 31 stúlka sem komst í gegnum Lalla Aicha Tour School í Marokkó og hlaut kortið sitt á Evrópumótaröð kvenna, LET (Ladies European Tour).

Mótið fór fram dagana 14.-18. desember 2013 á golfvöllum Al Maaden og Samanah CC í Marrakech, Marokkó. Leiknir voru 5 hringir og eftir 4. hringinn var stúlkunum 92 sem upphaflega voru 94, fækkað niður í 60 og þar af hlutu 31 efstu eftir 5. og lokahringinn keppnisrétt á LET fyrir keppnistímabilið 2014.

Nú er aðeins eftir að kynna þær stúlkur sem urðu í 2 efstu sætunum. Byrjað verður á að kynna þá stúlku sem varð í 2. sætinu  þ.e.  Sally Watson en hún lék á 5 undir pari, 355 höggum (73 71 74 69 68)

Sally Watson fæddist 10. júlí 1991 og er því 22 ára.  Watson byrjaði í golfi 4 ára og segir foreldra sína hafa haft mestu áhrif á feril sinn en þau hafi sagt henni að eltast við drauma sína og gefa það besta af sjálfri sér. Heima í Skotlandi er Watson félagi í Castle Stuart Golf Links.  Watson var í bandaríska háskólagolfinu en hún var í Stanford og lék þar í 4 ár golf með skólaliðinu og er nú útskrifuð með BA gráðu í alþjóðasamskiptum.

Meðal hápunkta Sally frá háskólaárunum er eftirfarandi:

Hún varð þrisvar sinnum Pac-12 Honourable Mention Team
Hún var í NGCA Division 1 og í  Golfweek All-American Honourable Mention liðunum
Hún sigraði í einstaklingskeppninni 2013 á Sonoma State Spring Invitational
Hún var sigurvegari the 2011 Cougar Cup, þar sem gestgjafi var Washington State University
Sally var sigurvegari á 2009 Peg Barnard Invitational, gestgjafi:  Stanford University

Meðal hápunkta Sally Watson sem áhugamanns er eftirfarandi:

• Sally var tvívegis valin í  Great Britain & Ireland Curtis Cup liðið
• Hún var tvisvar í the European Junior Solheim Cup liðinu
• Hún var fulltrúi Skotlands í the World Amateur Team Championship, tvívegis
• Sally sigraði the 2012 Ladies British Open Amateur Championship Qualifying Tournament
• Hún hefir verið í landsliði Skotlands bæði sem unglingur og í kvennaflokki
• Sally sigraði tvísvar á  US Girls’ Junior Championship Qualifier
• Hún er breskur höggleiksmeistari í unglingaflokki þ.e. sigraði í  British Girls’ Stroke Play Championship
• Varð í 2. sæti í  British Girls’ Championship
• Sigurvegari  The Daily Telegraph Junior Golf Championship
• Sigurvegari á The Daily Telegraph Joyce Wethered Award for an Up and Coming Amateur
• Sigurvegari the Scottish Girls’ Amateur Championship

Watson gerðist atvinnumaður í golfi 16. júní 2013.  Alger hápunktur á ferli Sally Watson er að hafa landað 2. sætinu í Lalla Aicha Tour School  og hafa áunnið sér kortið sitt  á LET fyrir keppnistímabilið 2014.

Loks mætti geta að meðal áhugamála Sally Watson er að spila körfubolta, en hún var í skoska körfuboltalandsliðinu áður en hún byrjaði í golfi.  Henni finnst líka gaman að öðrum íþróttum (og fylgist með félögum sínum í Stanford í háskólaíþróttunum) og eins finnst henni bara gaman að vera heima með fjölskyldu sinni og vinum.