Nýju stúlkurnar á LET 2018: Cloe Frankish (10/25)

Golf 1 mun nú kynna þær stúlkur sem hlutu fullan keppnisrétt á Evrópumótaröð kvenna, en lokaúrtökumótið fór fram í Marokkó í 16.-20. desember 2017.

Leiknir voru 5 hringir og voru stúlkurnar 60 að þessu sinni sem kepptu um kortið sitt, þ.á.m. Guðrún Brá Björgvinsdóttir, GK.

Það voru 25 efstu stúlkurnar sem komust á LET og baráttan í ár var hörð.

T.a.m. voru 6 stúlkur jafnar í 24. sætinu á samtals 4 undir pari, 356 höggum og varð að koma til bráðabana milli þeirra því aðeins tvö sæti voru í boði þ.e. það 24. og 25.

Það voru tvær norskar stúlkur sem sigruðu í bráðabananum þ.e. þær Celine Borge og Madeleine Stavnar (báðar með örn á par-5 18. holuna þar sem úrslitin réðust).

Þær 4, sem sátu eftir með sárt ennið voru hin spænska Maria Palacios Siegenthaler; Julie Aime frá Frakklandi; Kiran Matharu frá Englandi og Tiia Koivisto frá Finnlandi.

Þessar tvær heppnu stúlkur, sem unnu í bráðabanaum um 24. og 25. sætin hafa nú verið kynntar og eins stúlkurnar 5 sem urðu í 19.sæti en það eru Ariane Provot frá Frakklandi; Katja Pogacar frá Slóveníu; Ainil Bakar frá Bandaríkjunum; Sideri Vanova frá Tékklandi og Lucrezia Colombotto Rosso frá Ítalíu.

Þrjár stúlkur urðu í 16. sæti á samtals 6 undir pari, 354 höggum: Elia Folch frá Spáni; Cloe Frankish frá Englandi og Sanna Nuutinen frá Finnandi. Elia og Sanna hafa þegar verið kynntar og í dag er það Cloe Frankish.

Cloe Frankish fæddist í Maidstone, Englandi 8. mars 1999 og er því aðeins 18 ára komin með fullan spilarétt á LPGA 2018!

Það var afi Frankish sem kenndi henni golf.

Hún gerðist atvinnumaður í golfi 17. desember 2016.

Stuðningsaðili Cloe er Galvin Green.

Sjá má kynningarviðtal LET við Cloe með því að SMELLA HÉR: 

Sjá má kynningarmyndskeið með Frankish með því að SMELLA HÉR: