Nýju stúlkurnar á LPGA 2016: Anne-Catherine Tanguay (14/49)

Lokaúrtökumót LPGA, möo Q-school LPGA fór fram 30. nóvember – 6. desember 2015.

Mótið fór venju skv. fram á LPGA International á Daytona Beach í Flórída.

Tuttugu stúlkur hlutu kortið sitt á LPGA í gegnum Q-school og þær sem urðu í 21. – 45 + þ.e., þær sem urðu í 21.-45. sæti eða jafnar í síðarnefnda sætinu hlutu takmarkaðan þátttökurétt í mótum LPGA.

Alls hlutu 49 stúlkur þátttökurétt á LPGA; 20 fullan þátttökurétt og 29 takmarkaðan.

Alls hafa 9 stúlkur verið kynntar, 7 sem urðu T-43 í lokaúrtökumótinu og voru neðstar af þeim sem hlutu þátttökurétt á LPGA; en væntanlega hamingjusamar með að hljóta spilarétt og síðan Caroline Westrup og Samantha Richdale, sem deildu 41. sætinu.

Allar stúlkurnar nema ein sem deildu 36. sætinu þær Karlin Beck, Nicole Jeray, Ani Gulugian og Ssu Chia Cheng frá Tapei höfuðborg Taíwan hafa þegar verið kynntar og í dag er kynning á 5. og síðustu stúlkunni, sem varð í 36. sæti Anne-Catherine Tanguay frá Kanada.

Anne-Catherine Tanguay fæddist 8. janúar 1991 og er því 27 ára.  Hún byrjaði að spila golf 10 ára. Foreldrar Anne-Catherine eru Lucie Bellemare og Yvan Tanguay … Heimavöllurin heima í Quebec í Kanada er Royal Quebec.

Meðal helstu afreka Tanguay er að hún varð í 2. sæti bæði á Canadian Junior og Canadian Amateur mótunum.

Tanguay var í bandaríska háskólagolfinu; lék með University of Oklahoma í Bandaríkjunum, líkt og Eygló „okkar“ Myrra Óskarsdóttir GO, gerði á sínum tíma. Hér má sjá afrek Tanguay í bandaríska háskólagolfinu SMELLIÐ HÉR:

Það sem sérstaklega er vert að geta varðandi afrek Tanguay er að hún var með 2. besta meðaltalsskor í sögu skólans. Hún var einnig Honorable Mention All-American á lokaári sínu í háskóla 2014. Tanguay útskrifaðist frá Oklahoma háskóla með gráðu í viðskiptafræði.

Uppáhaldskylfingur Tanguay á LPGA er Paula Creamer og meðal helstu áhugamála hennar utan golfsins er að stunda yoga.

Fræðast má nánar um Anne-Catherine Tanguay á heimasíðu hennar með því að SMELLA HÉR: