Nýju stúlkurnar á LPGA 2019: Dottie Ardina (9/58)

Hér verða líkt og á undanförnum árum kynntar þær stúlkur sem hlutu kortin sín á LPGA fyrir 2019 keppnistímabilið.

Þetta eru þær sem urðu í 45. sæti eða voru jafnar í 45. sæti á lokaúrtökumóti LPGA og efstu 10 á peningalista 2. deildarinnar þ.e. Symetra Tour.

Byrjað verður að kynna 10 efstu á peningalista Symetra Tour og síðan 45 efstu og þær sem jafnar voru í 45. sætinu á lokaúrtökumóti LPGA. Í ár voru 48 stúlkur sem komust á LPGA gegnum lokaúrtökumótið og þær ásamt þeim 10 sem efstar urðu á peningalista Symetra Tour eða alls 58 stúlkur verða því kynntar hér á næstu mánuðum.

Ólafía Þórunn „okkar“ Kristinsdóttir tók þátt í lokaúrtökumóti LPGA en varð ekki meðal efstu 45 og náði því ekki að endurnýja kortið sitt og fastan keppnisrétt á LPGA næsta keppnistímabil.

Sú sem kynnt verður hér er stúlka sem varð í 2. sæti á peningalista Symetra Tour og er þannig komin með fullan spilarétt á LPGA. Þetta er Dottie Ardina , en hún vann sér inn $97,822  í verðlaunafé í mótum Symetra Tour. Áður hafa, Pavarisa Yokutan (3. sæti); Elizabeth Szokol (4. sæti), Linnea Ström (5. sæti), Stephanie Meadow (6. sæti), Kendall Dye (7. sæti), Charlotte Thomas (8. sæti), Isi Gabsa (9. sæti) og Dana Finkelstein (10. sæti) verið kynntar.

Dottie Ardina fæddist 1994 á Filippseyjum og er því 24 ára. Hún byrjaði að spila golf 5 ára.

Hún vann fjölda áhugamannamóta í Asíu og var fulltrúi Filippseyja í Espirito Santo Trophy (World Amateur Team Championships) árin 2006 og 2010.

Þegar hún tók fyrst þátt í Espirito 2006 var hún aðeins 12 ára, sem gerði hana að yngsta keppanda í World Amateur Team Championships

Ardina gerðist atvinnumaður í golfi fyrir 4 árum, eða 2013.

Hún hefir spilað í 2. deildinni í bandaríska kvennagolfinu, Symetra Tour, frá árinu 2014. Besti árangur hennar á Symetra Tour hingað til er T-2 árangur árið 2015 á Four Winds Invitational. Ardina spilaði einnig á LPGA Tour árið 2014.

Það ár vann hún líka Singha-Sat LPGA Championship í Thaílandi.

Ardina var valin til þess að vera fulltrúi Filippseyja á Sumar Ólympíuleikunum í Ríó 2016 – og þó upphaflega hafi verið talið að hún myndi taka þátt kaus hún að gera það ekki vegna hættunnar á smiti vegna Zika vírusins.

Meðal áhugamála Dottie Ardina er að teikna.