Öldungardeildarþingmaðurinn Marc Rubio frá Flórída skýtur á Obama fyrir að spila of mikið golf við útnefningu Mitt Romney

Marco Rubio, öldungadeildarþingmaður republíkana frá  Flórída, sem kynnti Mitt Romney á flokksþingi republíkana, beindi spjótum sínum að áhugamáli sitjandi forseta Bandaríkjanna, Barack Obama í ræðu sinni.

Í ræðu Rubio sagði m.a.: „Vandamálið með Obama forseta er ekki að hann sé slæm manneskja. Hann er að öllu leyti góður eiginmaður og góður faðir, og þökk sé miklum æfingum góður kylfingur. Vandamál okkar er ekki að hann sé slæm manneskja. Vandamál okkar er að hann er slæmur forseti.“

(Innskot: Vá, þvílík ræðusnilld – maður dettur alveg af stólnum!)

Rubio er ekki fyrsti stjórnmálamaðurinn til þess að gagnrýna Obama fyrir að spila of mikið golf. Romney sjálfur hefir, raunar sakað forsetann um að verja of miklum tíma í golfi og ekki nægum í vinnunni og starfsmenn kosningastofu hans hafa sett á laggirnar vefsíðu, sem heldur utan um alla hringi sem Obama hefir spilað SMELLIÐ HÉR: 

Skv. síðunni hefir Obama spilað 104 hringi frá árinu 2009. 104 hringir á 4 árum eru að meðaltali 26 á ári, sem eru engin ósköp, Golf er ein besta afslöppun sem hugsast getur frá erfiðum skyldustörfum og hressir og endurnærir; nokkuð sem maður óskar sérhverjum Bandaríkjaforseta sem í embætti situr.  Vilja ekki allir fremur hressan forseta sem tekur ákvarðanir sem varða heimsbyggðina fremur en þreyttan og úrillan?

Tvöfeldnin og tvískynungurinn í þessum þætti kosningabaráttu Romney er yfirgengilegur. Til marks um það mætti nefna að George W Bush spilaði mun fleiri hringi á 4 árum sínum í forsetastól; faðir hans George Bush var heilmikill kylfingur og afi hans stofnaði m.a. bandaríska golfsambandið. W-ið í nafni George W Bush stendur fyrir Walker, sem samnefndur golfbikar og keppni eru nefnd eftir þ.e. eftir Walker afa Bush. Íhaldsgengið í Fortune 500 klúbbnum , sem eru félagar í Augusta National eru að mestu leyti stuðningsmenn repúblíkana.  Þannig að ef Romney og hans líkar kæmust til valda væri það afturför í öllun málum er lúta að kvenréttindum, þó reynt sé að slá ryki í augu kjósenda með málamyndainngöngu tveggja íhaldskvenna Condi Rice og Dörlu Moore.

Ef líta ætti aftur í tímann til flokksbróður Romney, þá á Dwight Eisenhower líklega metið yfir fjölda golfhringja í forsetastól, en hann dró enga dul á áhugamálið og varði öllum frístundum sínum og e.t.v. líka tíma sem betur hefði verið notaður til að sinna störfum í þágu bandarísku þjóðarinnar, til iðkunar á golfi.

Heimild: golf.com