Ólympíuleikar 2024: Hvaða karlkylfingar eru líklegastir til að hljóta gull? (fyrri grein)

Ólympíukeppni karla í golfi hefst á fimmtudaginn á Le Golf National í París. Keppendur eru 60 og spilaðar verða 72 holur með höggleikskeppnisfyrirkomulagi. Af þessum 60 eru 4 bandarískir kylfingar: Scottie Scheffler, Xander Schauffele, Collin Morikawa og Wyndham Clark. Nokkrir af evrópsku kylfingunum hafa meiri reynslu en aðrir af Le Golf National, vegna þátttöku þeirra á Evróputúrnum og þ.a.l. mótum sem þeir hafa spilað á vellinum og sumir voru og í Ryderbikarsliði Evrópu 2018, þegar mótið fór einmitt fram á Le Golf National í París. Meðal þeirra er Tommy Fleetwood, Alex Noren, Rory McIlroy, John Rahm og Thorbjörn Olesen.
Le Golf National er langt frá því að vera paradís þeirra högglengstu, sem bomba af teig; nei hér er þörf á nákvæmni af teig, röffið er erfitt og svo er nóg af refsandi vatnshindrunum. Það kemur því ekki á óvart að Scheffler og Schauffele séu með minni líkur á sigri en ella.
Hér kemur spá og styrktarröðun yfir hvað 10 karlkylfingar taldir eru eiga mestu líkur á að vinna Ólympíugull í París eða vera a.m.k. á verðlaunapalli

Hér er styrktaröðun yfir 5 bestu Ólympíukarlkylfingana:
1 Collin Morikawa, Bandaríkin. Hann hefir ekki skilað verri árangri en T-23 í 11 síðustu mótum, sem hann hefir spilað í en þ.á.m. Hefir hann 5 sinnum verið í top-4.
2 Shane Lowry. Hann er hátt rankaður m.a vegna nákvæmni sinnar af teig og fyrir að vera frábær með járnin. Hann varð T-16 í síðustu keppni sem hann tók þátt á Le Golf National og þekkir völlinn.
3. Xander Schauffele – augljóslega er hann hátt rankaður, sjóðandi heitur í ár, með 2 sigra á risamótum.
4 John Rahm hefir fyrir nokkrum árum skilað 2 topp-10 áröngrum á Le Golf National og völlurinn virðist henta honum. Síðan er hann líka í góðu formi eftir að hafa lokið keppni á Opna breska T-7.
5 Scottie Scheffler – Honum er ekki spáð sigri (gulli) hér en hann er þó nr. 1 á heimslistanum og var meðal 10 efstu á Opna breska.

Hverjir aðrir gætu hlotið Olympíugull?

6. Svíinn Alex Noren. Hann hefir spilað hvorki fleiri né færri en 30 hringi á Le Golf National og að auki var hann í Ryder sigurliði Evrópu á vellinum 2018. Hann var T-13 á Opna breska, þar sem hann gat sett fram bestu viku ársins í nákvæmi í drævum.
7. Rory McIlroy, Írland. Hann hefir spilað 8 hringi á Le Golf National, þó það sé nokkuð síðan og var líka í sigur- Ryder bikars liði Evrópu 2018. Járnaspil hans er hins vegar svo slakt að hann komst ekki gegnum niðurskurð á Troon og það verður að vera í lagi. Því er hann ekki rankaður ofar.
8. Corey Conners, Kanada: Hann hefir hæfileika að spila nákvæmt frá teig að greeni.
9 Ludvig Åberg, Svíþjóð: Hann gæti komið á óvart. Það er virkilega allt í toppstandi hjá honum.
10. Tom Kim, Suður Kórea: Kim hefir reynslu af Le Golf National þar sem hann tók á síðasta ári þátt í Opna franska, sem fram fór á vellinum og varð T-6. Hann er venjulega beinn af teig og nákvæmur í spili sínu.