PGA: Kossinn

Jena Sims kyssti kærasta sinn Brooks Koepka eftir að hann náði að verja titil sinn á 2. risamóti ársins, Opna bandaríska sl. sunnudag 17. júní 2018.

Það er s.s. ekki í frásögur færandi, allt eins og það á að vera, nema ….

… á síðasta ári þegar Koepka sigraði Opna bandaríska þá kyssti hann Jenu og fréttaritari FOX, Joe Buck, fór rangt með nafn hennar og það sem verra var sagði að sú sem Koepka kyssti væri Becky Edwards, bandarískur kvenknattspyrnumaður, sem Koepka hafði verið að deita og þau höfðu nýslitið sambandinu.

Koepka var hins vegar að kyssa Jenu Sims módel og leikkonu með meiru. Buck fór í loftið og reyndi að gera lítið úr mistökunum sínum; hitti m.a. Koepka á MLB All-Star leik til þess að afsaka það sem hann sagði.

Þetta árið fór Buck rétt með nafn Sims, en hann sagð m.a.:

„Nú eru hann (Brooks Koepka) og JENA aftur að halda upp á sigur á Opna bandaríska,“ sagði Buck og lagði áherslu á „Jena“.

Sims talaði við Josh Peter hjá USA Today eftir að rangt var farið með nafn hennar og hún sagði að allt væri gleymt og grafið.

„Þetta er allt í lagi. Ég er hörð af mér og get tekið þessu.“

Þannig að hún er búin að fyrirgefa Buck?

„Auðvitað,“ sagði Sims. „Hann fór rétt með nafn mitt í þetta sinn, þannig að ég kann að meta það. En mér var í raun alveg sama…. Hann talaði við Brooks. Þeir hittust á hafnarboltaleik á síðusta ári, en ég var að vinna þannig að ég fór ekki og hitti hann ekki.“

Hér má myndskeið af því þegar Sims kyssti Koepka SMELLIÐ HÉR: