PGA Q-school: Sam Saunders loksins að stíga fram úr skugga afa síns: Arnold Palmer

Birgi Leif gekk ekki sem skyldi í úrtökumóti fyrir PGA mótaröðina í Flórída. Þar er hann í hópi m.a. Ty Tryon, sem gekk t.a.m. ekki vel á 1. degi lokaúrtökumóti í PGA West Q-school í gær, spilaði á 78 höggum. Það sama er að segja um fyrrum PGA stjörnuna Boo Weekley, hann spilaði á 74 höggum.

Hins vegar gekk barnabarni Arnold Palmer, Sam Saunders vel á Nicklaus keppnisvellinum – hann kom inn á 68 höggum og steig þar með loks úr skugga afa síns, Arnold Palmer.

Á PGA West eru tveir vellir notaðir fyrir PGA Q-school: Stadium völlurinn, hannaður af Pete Dye, sem almennt er talinn erfiðari en Nicklaus keppnisvöllurinn. Á þessu  lokaúrtökumóti fyrir PGA eru spilaðar 108 holur; 3 sinnum á hvorum velli.

Aðspurður hvað hann hefði lært sagði Saunders: „Að hafa þolinmæði. Oft vill maður að hlutirnir gerist hratt. Ég hef lært að láta hlutina bara gerast. Gera það sem ég get og láta hlutina falla í réttan farveg og halda áfram að vinna að því að svo verði.“

Saunders er ekki með andlegan golfþjálfa „Nei, ég er ekki með slíkan,“ upplýsti hann. „Pabbi… hann hjálpar mikið. En það er enginn sérstakur.“ Afi hans? „Við tölum saman. Hann lætur mig fá öll tæki sem ég þarfnast og öll þau ráð sem ég þarf að fá. En á þessu stigi er allt undir mér komið.“

Heimild: Golfweek