Sergio henti dræver í kylfusvein sinn e. slæmt teighögg

Það sem af er ársins 2019 hefir verið arfaslakt fyrir spænska kylfinginn Sergio Garcia.

Masters sigurvegarinn frá 2017 (Garcia) hefir hreinlega ekki tekist að landa einum einasta sigri.

Og eitthvað er það farið að fara í taugarnar á kappanum.

PR-teymi Garcia hefir hins vegar haft nóg að gera vegna skapluðra hans á vellinum. T.a.m. eyðilagði Spánverjinn skapheiti (Garcia) fjölda sandglompa og flata á Saudi International fyrr á árinu og eins var rifrildi á WGC-Dell Match Play við Matt Kuchar.

Sl. þriðjudag kom enn eitt leiðindaatvikið með Garcia í aðalhlutverki í ljós þegar Twitter notandinn, Ray Owens frá Dublin deildi myndskeiði af Garcia á 5. braut lokahrings Opna breska.

Í myndskeiðinu sést að Garcia slær ömurlegt teighögg á par-4 5. brautinni á Royal Portrush sem þykir fremur auðveld og í kjölfarið hendir Garcia dræver sinn í bróður sinn og kylfusvein, Victor.

Garcia missti fyrsta högg sitt þennan dag á 5. braut og spilaði lokahringinn á 7 yfir pari, 78 höggum og datt við það úr T-36 sæti sem hann var í fyrir lokahringinn í T-67.

Garcia er með í móti vikunnar á PGA Tour WGC-FedEx St. Jude Invitational.