Smáþjóðaleikar settir í gær – golf meðal keppnisgreina í fyrsta sinn!

Smáþjóðaleikarnir voru settir í gær í Laugardalshöll á glæsilegri opnunarhátíð. Þetta er í annað sinn sem leikarnir fara fram í Reykjavík en árið 1997 var opnunarhátíðin á Laugardalsvelli og þá snjóaði á gesti. Hátíðin í gær var því undir þaki Laugardalshallar og var Þóra Arnórsdóttir kynnir. Páll Óskar Hjálmtýsson sá um að skemmta áhorfendum og gestum en hátíðin var í beinni útsendingu á RÚV.
Lárus Blöndal forseti ÍSÍ og Marc Theisen, fulltrúi evrópsku Ólympíunefndarinnar, héldu ávörp en keppnin hefst í dag.
Keppt er í golfi í fyrsta sinn í sögunni á Smáþjóðaleikunum en þetta er í 16. sinn sem leikarnir eru haldnir. Keppnin fer fram á Korpúlfsstaðarvelli hjá Golfklúbbi Reykjavíkur. Keppt er í einstaklings og liðakeppni. Keppnin hefst á morgun, miðvikudag, en landslið Íslands er þannig skipað: Kristján Þór Einarsson (GM), Haraldur Franklín Magnús (GR), Andri Þór Björnsson (GR), Sunna Víðisdóttir (GR), Guðrún Brá Björgvinsdóttir (GK) og Karen Guðnadóttir (GS). Í liðakeppninni telja tvö bestu skorin í hverri umferð en alls verða leiknar 72 holur.

Ræst er út á Korpunni frá kl. 9.00 alla keppnisdagana:

Rástímar:
3. júní:
9.00 karlar:
10:00 konur:
4. júní:
9.00 karlar:
10:00 konur:
5. júní:
9.00 karlar:
10:00 karlar:
6. júní:
9.00: karlar:
10:00: konur: