Solheim Cup 2019: Inkster valdi Lewis og Pressel

Nú er lið Bandaríkjanna í Solheim Cup fullskipað.

Julie Inkster, fyrirliði liðs Bandaríkjanna, tilkynnti í dag um val sitt á tveimur liðsmönnum í liðið og nú er það fullskipað 12 leikmönnum.

Þær sem Inkster valdi eru Stacy Lewis og Morgan Pressel.

Inkster sagði aðspurð um val sitt að lið Bandaríkjanna væri ungt og reynslulítið og hún hefði tekið tillit til þess við val sitt á leikmönnum í liðið en Lewis og Pressel eru báðar reynslumiklir kylfingar.

Eins tók Inkster tillit til vilja leikmanna liðs síns um hverja hún ætti að velja, en nokkrar höfðu lýst skoðun sinni að vilji væri fyrir að önnur hvor Lewis eða Pressel eða báðar væru í liðinu.

Í aðalmyndaglugga: t.v. Stacy Lewis – t.h. Morgan Pressel