Sunna Víðisdóttir hlaut háttvísibikar GR 2011

Á heimasíðu GR er eftirfarandi frétt:

„Háttvísibikarinn er gjöf frá GSÍ í tilefni af 70 ára afmæli GR og er hann veittur ár hvert þeim kylfingi undir 18 ára aldri sem endurspeglar hvað mest þá eiginleika sem GR-ingar vilja sjá í afreksunglingum sínum. Sá sem hlýtur háttvísibikarinn þarf að hafa mikinn íþróttaanda, gefast aldrei upp, sýna miklar framfarir, vera sér og klúbbnum til mikils sóma bæði innan vallar sem utan og umfram allt vera fyrirmynd fyrir aðra í kringum sig.

Í ár er það Sunna Víðisdóttir sem hlýtur bikarinn, Sunna hefur sigrað í tveimur stigamótum fullorðinna á mótaröð þeirra bestu á síðustu tveimur árum þrátt fyrir ungan aldur, einnig á  hún glæsilegan feril að baki í unglingagolfi og á enn eitt ár eftir í unglingaflokkum. Sunna er gríðarlega dugleg og vinnur markvisst í sýnum leik auk þess að vera frábær fyrirmynd fyrir þá sem yngri eru. Hún er því verðugur fulltrúi og handhafi Háttvísibikars klúbbsins og óskar klúbburinn henni hjartanlega til hamingju.

Er þetta í áttunda skipti sem bikarinn er afhentur og þeir sem hafa áður fengið útnefninguna eru:

2004 Þórður Rafn Gissurarson
2005 Hanna Lilja Sigurðardóttir
2006 Guðni Fannar Carrico
2007 Ólafía Þórunn Kristinsdóttir
2008 Ólafía Þórunn Kristinsdóttir
2009 Andri Þór Björnsson
2010 Guðmundur Ágúst Kristjánsson
2011 Sunna Víðisdóttir“

Heimild: grgolf.is