The Masters 2014: Jordan Spieth gæti orðið sá yngsti til að sigra Masters risamótið

Jordan Spieth gæti nú í kvöld orðið yngsti Masters sigurvegari sögunnar og velt þar með af stalli einu metanna sem Tiger á, en hann er sá yngsti hingað til, til þess að hafa sigrað Masters risamótið, 21 árs.

Spieth verður ekki 21 árs  fyrr en 27. júlí n.k. og er næstyngstur þeirra sem komust í gegnum niðurskurð.

Fyrir 4 árum á heitum ágústdegi 2010 var hinn 17 ára Jordan Spieth á 18. teig á TPC Sawgrass í Flórída að búa sig undir að slá í 3 manna bráðabana við Michael Johnson og Emiliano Grillo í the Junior Players Championship.

Johnson setti niður 7 metra pútt og Spieth og Grillo urðu í 2. sæti.

Nú 44 mánuðum síðar er Johnson í næstefsta bekk (junior) í Auburn háskóla. Grillo spila á Evróputúrnum er nr. 142. á heimslistanum og Spieth…. mun standa á 1. teig á Augusta National Golf Club, sem annar þeirra sem leiðir fyrir lokahringinn. Spieth er þar að auki nr. 13 á heimslistanum!!!

Þetta er skrítinn leikur golfið, ekki satt?

Spieth var fyrsti táningurinn til þess að sigra á PGA Tour í 82 ár þegar hann vann John Deere Classic á síðasta ári, hann lék og í gær lék hann 3. hring sinn í röð undir pari á Masters risamótinu og deilir forystunni með Bubba Watson.

Um spil sitt í dag sagði Spieth m.a. í gær á blaðamannafundi eftir að ljóst var að hann væri í efsta sæti fyrir lokahringinn:

„Ég er 20 ára og þetta er Masters risamótið, mótið sem mig hefir alltaf dreymt um,“ sagði hann m.a. „[sunnudagurinn] snýst um hversu mikla stjórn ég hef á leik mínum og tilfinningum og golfvellinum á móti náungum sem hafa unnið hér á undanförnu. Þannig að þeir hafa verið í stöðu sem ég hef ekki verið í. Það þýðir ekki að ég telji að þeir hafi eitthvað fram yfir mig á nokkurn hátt. Mér finnst ég með mikið sjálfstraust á hvert hlutirnir eru að stefna og ég hlakka virkilega til [sunnudagins.“

Loks sagði Spieth: „Maður lærir af minningum af náungum sem hafa sett niður pútt á lokaholunni fyrir sigri, allt frá Phil til Tiger til Adam á nr. 18 og nr. 10,“ sagði Spieth.  „Maður dreymir um að vera í stöðu þeirra og ég myndi elska það að fá tækifæri til þess að prófa þetta [nú í dag, sunnudag],“