Wie gerir sig klára f. 1. risamót ársins með nýja púttstöðu og grip

Michelle Wie hefir verið frá vegna meiðsla í hendi – Sjá eldri grein Golf 1 þar um með því að SMELLA HÉR: 

Hún ætlar sér hins vegar að taka þátt í 1. risamóti ársins hjá konunum, ANA Inspiration.

Michelle hefir undirgengist skurðaðgerð á hægri hendi og hefir verið með verki í hendinni sl. 5 vikur.

Hún sást hins vegar við æfingar í Palm Springs þar sem hún sýndi nýjan púttstíl sem þjálfari hennar, David Leadbetter, lýsti sem “a legal anchor.” á ensku.

Wie hefir löngum púttað með svokölluðum „kústskaftspútter“ þ.e. löngum pútter, þar sem skaftið læsist eins og akkeri undir hendina. Slíkir pútterar eru nú ólöglegir.

En  nýi pútter og púttstaða Wie eru það ekki.

„Þetta er mjög, mjög nýtt,“ sagði Leadbetter í viðtali við GolfChannel.com um vinstri handar krækju Wie á pútter sínum og vinstri-handar-lágu púttgripi hennar. „Þetta er einskonar löglegt akkeri, geri ég ráð fyrir. Nokkrir náunganna eru nú að nota þessa stöðu og grip. Hún er mjög spennt og hún segir að tilfinningin sé virkilega, virkilega góð.“

„Þetta tekur breytuna úr strokunni. Þetta bara heldur allri vinstri-úlnliðs hreyfingunni mjög sólíd. Þetta er eins-stykkjar hreyfing, sem Michelle segir að haldi kylfuandlitinu beinna fyrir sér.“

Grip Wie, sem Matt Kuchar gerði vinsælt er ekki það fyrsta óhefðbundna við púttin. Eini risamótssigur hennar kom á Opna bandaríska í Pinehurst 2014, þökk sé því sem Bandaríkjamenn kölluðu “table-top” púttstroku, en þá beygði Wie sig niður í 90°

Michelle Wie í „Table Top“ stöðu og með „Table Top“ púttstroku

Á síðustu tímum hefir Wie skipt um grip mjög títt í púttum sínum og hefir verið með allt frá hefðbundnu gripi, kross-gripi, klóargripi og stundum breytileg greip á sama hring eða jafnvel á flöt.

Leadbetter hefir sagt Wie að reyna ekki að útskýra af hverju hún skiptir um grip á miðjum hring eða jafnvel sömu holu „því það myndi ekki „meika sense““ jafnvel þó hún hafi notið velgengni með þessum gripum sínum.

„Hún (Michelle Wie) hefir aldrei verið hefðbundin,“ sagði Leadbetter. „Hún vill ekki laga sig að reglu. Hún hefir alltaf vilja beygja kerfið á einhvern hátt.„

Sjá má mynd af nýju púttgripi og púttstroku Wie hér að neðan og eins í aðalmyndaglugga.